වික්ටෝරියා ප්‍රාන්තයේ ඉදි කිරීම් ව්‍යාපෘති රැසක් ක්‍රියාත්මක වනුයේ විනිවිදභාවයෙන් තොරව බවට ප්‍රාන්ත විගණකාධිපති වාර්තාවකින් හෙළිකර තිබෙනවා.
පසුගිය වසර තුළදී පමණක් එවැනි ව්‍යාපෘතිවල විවිධ අමතර වියදම ඩොලර් බිලියන 11 ඉක්මවා ඇති බවටයි තක්සේරු කර ඇත්තේ.
රෝහල් – රථගාල් – සාප්පු සංකීර්ණ මෙන්ම දුම්රිය මාර්ග ව්‍යාපෘති ද මේ අතර වනවා.
ව්‍යාපෘතිවල අභ්‍යන්තර විශ්ලේෂණ බොහෝ විට උසස් තත්ත්වයේ සහ අර්ථාන්විත වූ නමුත් ඒවා මහජනතාවගෙන් වසන්කර ඇති බවටයි චෝදනා එල්ල වන්නේ.
කෙසේවෙතත් වික්ටෝරියා ප්‍රාන්ත රජය එම වාර්තාව ප්‍රතික්ෂේප කර ඇත්තේ නොමඟ යවන සුළු සහ යල් පැන ගිය වාර්තාවක් ලෙසයි.
ප්‍රවාහන යටිතල පහසුකම් පිළිබඳ අමාත්‍ය ගේබ්‍රියෙල් විලියම්ස් පැවසුවේ විගණකාධිපති වාර්තාව සම්බන්ධයෙන් ගැටළු කිහිපයක් පවතින බවයි.
