ශුද්ධෝත්තම ෆ්රැන්සිස් පාප් වහන්සේ නිව්මෝනියා රෝගයෙන් පෙළෙන බවට වතිකානුව නිවේදනය කර තිබෙනවා.
පසුගිය සතියේ රෝහල්ගත කළ එතුමා පෙනහළු දෙකෙහිම නිව්මෝනියාව වර්ධනය වී ඇති බවයි වතිකානුව ඊයේ කියාසිටියේ.
පසුගිය සතියේ වතිකානුවේ කලාකරුවන් සමඟ සංචාරයක් ඇතුළු වැඩසහන් කිහිපයකට සහභාගි නොවූ පාප් වහන්සේ පෙබරවාරි 14 වන සිකුරාදා රෝහල් ගත කර තිබුණා.
ඉරිදා දේව මෙහෙය ඔහු වෙනුවෙන් පවත්වනු ලැබුවේ ද වතිකානු පූජකවරයෙකු බවයි නිව්යෝර්ක් ටයිම්ස් පුවත්පත සඳහන් කළේ.
ෆ්රැන්සිස් පාප් වහන්සේ දිගු කලක් තිස්සේ පෙනහළු ගැටළු හේතුවෙන් උණ සහ බ්‍රොන්කයිටිස් රෝගයට ගොදුරුව සිටිනවා.
වයස අවුරුදු 21 දී බරපතල ශ්වසන රෝගයක් හේතුවෙන් දකුණු පෙනහළුවෙන් කොටසක් ඉවත් කිරීමට සිදුව ඇති බවයි මාධ්‍ය වාර්තා පළකරන්නේ.
