ඔස්ට්‍රේලියාවේ උසස් පාසල්වල සිසුන්ගේ හැසිරීම් ප්‍රධාන අභියෝගයක් වී ඇතැයි ගුරුවරු පවසනවා.
මෙහි මූලික වැඩපිළිවෙලක් ලෙස මෙල්බන් හි රෝස්බඩ් ද්විතීක පාසල සඳහා පසුගියදා පුළුල් වැඩසටහනක් පවත්වා තිබුණා.
එහිදී පන්ති කාමරය තුළ එකිනෙකා අතර ගෞරවය මෙන්ම සන්සුන්ව හැසිරෙන ආකාරය පිළිබඳ දරුවන් දැනුවත් කර තිබෙනවා.
පන්ති කාමරයේ දී විවිධ ශබ්ද නගමින් විවිධ බාධාවන් සිදුකරන දරුවන් යහමගට ගැනීම මෙහි අරමුණ වනු ඇති.
රෝස්බඩ් ද්විතීක පාසලේ විදුහල්පතිනි ලීසා හෝල්ට් පැවසුවේ පසුගිය වසරේ දරුවන්ගේ හැසිරීම සම්බන්ධයෙන් වැඩසටහනක් දියත් කළ බවයි.
දරුවන්ට අත්‍යවශ්‍ය චර්යා පිළිබඳ විෂය මාලාවක් මෙන්ම අයහපත් හැසිරීම්වලට ප්‍රතිචාරයක් වශයෙන් එය ක්‍රියාත්මක වූ බව ඇය කියාසිටියා.
මෙහිදී දරුවන්ට අවශ්‍ය චර්යාවන් 5 ක් සම්බන්ධයෙන් අවධානය යොමුකර තිබෙනවා.
