ඔස්ට්‍රේලියා අගනුවරයන් හි තදාසන්න ප්‍රදේශයන් කිහිපයක, නිවසක් ඩොලර් 500,000 කට අඩු අගයකට මිලදී ගැනීමට හැකි බව නවතම වාර්තාවල දැක්වෙනවා.
එවැනි තදාසන්න ප්‍රදේශ 12 ක් පිළිබඳව ඩොමේන් හවුස් මිල වාර්තාවෙහි සඳහන්.
ඔවුන් පෙන්වාදෙන්නේ අගනගරයක දැරිය හැකි මිලකට නිවසක් මිලදී ගැනීමේ හැකියාව පසුගිය දශකය තුළ වේගයෙන් අඩු වූ බවයි.
මෙල්බන් හි සීබීඩී සිට කිලෝමීටර 30 ක් පමණ දුරින් පිහිටි මෙල්ටන් ප්‍රදේශයෙන් ඩොලර් 465,000 කට පමණ නිවසක් මිලට ගත හැකි බවයි එහි දේශීය නියෝජිත වරයා කියාසිටියේ.
විශේෂයෙන් ඇඩිලේඩ් සහ පර්ත් හි තෝරාගත් ප්‍රදේශ කිහිපයකින් ද, නිවාස මිලට ගැනීමට හැකි බව ඩොමේන් හවුස් වාර්තාවේ සඳහන්.
නිවෙස් මිලට ගත හැකි ප්‍රදේශ ලෙස එලිසබෙත් නෝත්, වුඩ්රිජ් සහ මිඩ්ලෑන්ඩ් ඇතුළු තවත් ප්‍රදේශ කිහිපයක් පිළිබඳව ඩොමේන් හවුස් වාර්තාවේ දැක්වෙනවා.
