අන්තර්ජාල සහ ජංගම බැංකු සේවා යළි යථාතත්වයට පත් කර ඇති බව වෙස්ට්පැක් බැංකුව පවසනවා.
ඔස්ට්‍රේලියාවේ ප්‍රමුඛතම බැංකුවක් වන වෙට්ස්පැක් අන්තර්ජාල බැංකු සේවයේ සිදුවූ යම් දෝෂයක් හේතුවෙන් පාරිභෝගිකයන් දහස් ගණනක් අද අපහසුතාවට ලක්වුණා.
උදෑසන වනවිට මේ සම්බන්ධයෙන් පැමිණිලි 2626 ක් ලැබී තිබූ බවයි වාර්තා වන්නේ.
තවත් බොහෝදෙනකු තම මුදල් ලබාගත නොහැකිව සමාජ මාධ්‍ය ඔස්සේ පැමිණිලි කර ඇති බව සඳහන්.
ඒ අනුව අවම පැය 6 ක පමණ වෙට්ස්පැක් අන්තර්ජාල බැංකු සේවය ඇණ හිට තිබෙනවා.
මේ අතර වෙස්ට්පැක් ප්‍රකාශකයෙකු සඳහන් කළේ සේවාවන් යථා තත්ත්වයට පත් කර ඇති අතර සිදුවූ අපහසුතාවයට පාරිභෝගිකයින්ගෙන් සමාව අයදින බවයි.
