සිඩ්නි නුවර ඉන්නර් වෙස්ට් ප්‍රදේශයේ දී පුද්ගලයන් 6 දෙනෙකු පොදු දේපළ විනාශ කිරීමේ චෝදනාව මත අත්අඩංගුවට ගෙන තිබෙනවා.
මෙම කණ්ඩායම ශාන්ත පීටර්ස් දුම්රිය ස්ථානයේ ස්ප්‍රේ යොදාගනිමින් ග්රැෆිටි කරමින් සිටියදී පොලිසිය දැක ඔවුන් හඹාගොස් ඇති බවයි මෙරට මාධ්‍ය පවසන්නේ.
පසුව මෙම පිරිස සිඩ්නි පාර්ක් මාර්ගයේ දී පොලිස් ගුවන් යානා, පොල්එයාර් මෙන්ම පොලිස් සුනඛ ඒකකයේ ද සහය ඇතිව අත්අඩංගුවට ගෙන ඇති බවයි වාර්තා වන්නේ.
ඔවුන්, අවුරුදු 21 ත් 36 අතර වයස්වල පසුවන පුද්ගලයින් හය දෙනෙකු බවයි පොලීසිය පැවසුවේ.
පොදු දේපළ විනාශ කිරීම හා හානි කිරීම ඇතුළු තවත් චෝදනා කිහිපයක් සම්බන්ධයෙන් ඔවුන්ට චෝදනා ගොනුකර තිබෙනවා.
එම පිරිස අද අධිකරණයට ඉදිරිපත් කිරීමට නියමිතයි.
