ලොව දුෂ්කරම ධාවන තරග අතුරින් එකක් ලෙස සැළකෙන 6633 Arctic Ultra සදහා ඔස්ට්‍රේලියානු ධාවකයෙක් ද සහභාගී වනවා.
ඒ සදහා තරඟකරුවන් 09 දෙනෙකු මෙවර සහභාගී වන බවයි වාර්තා වන්නේ.
ආක්ටික් මහද්වීපය පුරා අධික ශීත කාලගුණික තත්වය හමුවේ පැවැත්වෙන මෙම ධාවන තරගය අතිශයින්ම දුෂ්කර වනු ඇති බවටයි විශ්වාස කෙරෙන්නේ.
ඒ සදහා ඔස්ට්‍රේලියාව නියෝජනය කරමින් ආරෝන් කෲක් සහභාගී වන අතර ඔහු මීට පෙර පැවති Marathon Des Sables තරගය සදහා ද සහභාගී වී තිබෙනවා.
Marathon Des Sables යනු සහරා කාන්තාරය හරහා විහිදෙන දුෂ්කර ධාවන තරගයක් ලෙසටයි සැළකෙන්නේ.
ආරෝන් කෲක් මෙවර 6633 Arctic Ultra ධාවන තරගය සදහා සහභාගී වන්නේ සමාජ සේවා කටයුතු සදහා මුදල් රැස්කිරීමේ අරමුණින් වීම ද කැපී පෙනෙනවා.
ඔහු එම තරගයට මුහුණ දීම සදහා වසර 03 ක කාලයක් තිස්සේ පුහුණුවීම් කටයුතු සිදු කරමින් සිටින බවයි මාධ්‍ය වෙත අදහස් දක්වා ඇත්තේ.
6663 Arctic Ultra ධාවන තරගය එළඹෙන පෙබරවාරි 27 වනදා ආරම්භ වීමට නියමිතයි.
