මෙල්බන් විශ්ව විද්‍යාලයේ උසස් අධ්‍යාපනය තවදුරටත් පුළුල් කිරීමේ ව්‍යාපෘතියක් ආරම්භ කර තිබෙනවා.
ඒ දකුණු පැසිෆික් විශ්ව විද්‍යාලය සහ මෙල්බන් විශ්ව විද්‍යාලය අතර හවුල් කාරිත්වයකට එකඟතාව පළකරමින්.
මෙම අවබෝධතා ගිවිසුම මගින් පීඨ හුවමාරුව, ඒකාබද්ධ පර්යේෂණ කටයුතු සහ සම්මන්ත්‍රණ මෙන්ම ශාස්ත්‍රීය වැඩසටහන් ඒකාබද්ධව සිදුකිරීමෙන් සිසුන්ට පුළුල් අධ්‍යාපන ප්‍රතිලාභ හිමි වනු ඇති.
මෙම සහයෝගීතාව මගින් දේශීය ශිෂ්‍යත්ව ප්‍රවර්ධනය කිරීමටත් ආදිවාසී ප්‍රජාවන් සවිබල ගැන්වීමටත් ආයතනය දෙකම කැපවන බව දෙපාර්ශවය ම කියාසිටියා.
මෙල්බන් විශ්ව විද්‍යාලය සමග හවුල්කාරිත්වයෙන් වැඩකිරීම, දකුණු පැසිෆික් විශ්ව විද්‍යාලයේ පරිවර්තනයකට හේතුවන බවයි එහි උපකුලපති මහාචාර්ය පාල් අලුවාලියා පැවසුවේ.
මෙම අවබෝධතා ගිවිසුම මගින් දකුණු පැසිෆික් සහ මෙල්බර්න් විශ්ව විද්‍යාල අතර අධ්‍යයන හවුල්කාරිත්වයක්, සංස්කෘතික හුවමාරුව සහ දේශීය දැනුමේ දියුණුවට මනා පිටුවහලක් වනු ඇති බවයි මහාචාර්යවරයා වැඩිදුරටත් කියාසිටියේ.
