සංචාරක ඔස්ට්‍රේලියා කණ්ඩායම සමඟ පැවති පළමු එක්දින තරගයෙන් ලකුණු 49 ක විශිෂ්ට ජයක් අත් කර ගැනීමට ශ්‍රී ලංකා කණ්ඩායම අද (12) සමත් වුණා.
කොළඹ ආර් ප්‍රේමදාස ජාත්‍යන්තර ක්‍රිකට් ක්‍රීඩාංගණයේදී පැවති තරගයේ කාසියේ වාසිය ජයග්‍රහණය කළ ශ්‍රී ලංකා නායක චරිත් අසලංක පළමුවෙන් පන්දුවට පහර දීමට තීරණය කළා.
ඒ අනුව පිටියට පිවිසි ශ්‍රී ලංකා පිතිකරුවන්ට පන්දුවාර 46 ක් අවසානයේ දී සියලු දෙනා දැවී රැස් කර ගත හැකිවූයේ ලකුණු 214 ක් පමණයි.
ශ්‍රී ලංකාව වෙනුවෙන් නායකත්වයේ ඉනිමක් දියත් කළ චරිත් අසලංක ලකුණු 127 ක් රැස් කළා.
ඔහුගේ ඉනිමට හතරේ පහරවල් 14 ක් සහ හයේ පහවරල් 5 ක් ඇතුලත්.
ලකුණු 215 ක ඉලක්කයක් හඹා ගිය ඔස්ට්‍රේලියා කණ්ඩායමට පන්දුවාර 33 පන්දු 05 තුළ සියලු දෙනා දැවී රැස් කර ගත හැකි වූයේ ලකුණු 165 ක්පමණයි.
දෙරට අතර පැවැත්වෙන දෙවන සහ අවසන් එක්දින තරගය පෙබරවාරි 14 වනදා පැවැත්වීමට නියමිතයි.
