වික්ටෝරියා ප්‍රාන්ත සෞඛ්‍ය අමාත්‍යවරිය වන Mary Anne Thomas විසින් ප්‍රාන්ත රෝහල් වෙත අනතුරු ඇඟවීමක් සිදු කර තිබෙනවා.
ගිලන් රථවල සිට රෝගීන් රෝහල වෙත රැගෙන යාමේදී සෞඛ්‍ය අංශ විසින් ලබා දී ඇති නව ප්‍රමිතීන්ට අනුකූලව කටයුතු කරන ලෙසටයි සෞඛ්‍ය අමාත්‍යවරිය විසින් උපදෙස් ලබා දී ඇත්තේ.
මෙම නව නීති හරහා ගිලන් රථ හරහා කාර්යක්ෂම අන්දමින් රෝගීන්ව රෝහල් වෙත රැගෙන යෑමේ හැකියාව පවතිනවා.
රෝහල වෙත රැගෙන එන රෝගීන්ගෙන් 90% ක් පමණ විනාඩි 40 ක කාල සීමාවක් ඇතුළත හදිසි ප්‍රතිකාර සදහා යොමු කිරීමටයි ප්‍රාන්ත රජයේ සැලසුම වී ඇත්තේ.
එයින් පසු විනාඩි 20 ක් ඇතුලත් ගිලන් රථ නැවත රාජකාරී කටයුතු සදහා පිටත් විය යුතු බව ද මෙම නව නීතිවල සදහන් කර තිබෙනවා.
මෙම ක්‍රමවේදය සදහා අනුගත නොවන පුද්ගලයන්ට එරෙහිව දැඩි පියවර ගන්නා බවයි ප්‍රාන්ත සෞඛ්‍ය අමාත්‍යවරිය විසින් වැඩිදුරටත් අවධාරණය කර ඇත්තේ.
