මෙල්බන් නගරයේ නිවාස වෙළදපොළ තුළ අර්බුද රැසක් පවතින බවට විශේෂඥයින් විසින් පෙන්වා දී තිබෙනවා.
ඒ අනුව පසුගිය වසර 05 ක කාල සීමාව තුළ දේපළ මිලදී ගැනීම නුසුදුසුම නගර අතර මෙල්බන් වෙත දෙවන ස්ථානය හිමිව තිබෙන බවයි Propertyology හි පර්යේෂණ මගින් පෙන්වා දී ඇත්තේ.
අදාළ කාල සීමාව තුළ වික්ටෝරියා ප්‍රාන්තයේ කලාප 03 ක පමණ නිවාස මිල දෙගුණයකින් පමණ ඉහළ ගොස් ඇති බවටයි මෙහිදී හදුනාගෙන ඇත්තේ.
ඊට අමතරව මෙල්බන් හි අර්ධ නාගරික ප්‍රදේශ 45 ක පමණ වසර 10 කට වරක් නිවාස මිල දෙගුණයකින් පමණ ඉහළ යනු ඇති බවට අනුමාන කෙරෙනවා.
Propertyology හි ප්‍රධානී සයිමන් ප්‍රෙස්ලි විසින් ඔස්ට්‍රේලියා නිවාස ආයෝජකයන්ගෙන් ඉල්ලා සිටින්නේ වික්ටෝරියා ප්‍රාන්තයෙන් නිවාස මිලදී නොගන්නා ලෙසයි.
ප්‍රාන්ත රජයේ අධික බදු ප්‍රතිපත්ති මේ සදහා හේතු වී තිබෙන බව ද ඔහු විසින් වැඩිදුරටත් සදහන් කර තිබෙනවා.
