ඔස්ට්‍රේලියා ශ්‍රී ලංකා ටෙස්ට් තරගාවලියට සහභාගී නොවීමට හේතුව ඔස්ට්‍රේලියා ටෙස්ට් ක්‍රිකට් නායක පැට් කමින්ස් පවසා තිබෙනවා.
සිය දෙවන දරුවාගේ උපත හේතුවෙන් මෙවර ශ්‍රී ලංකා සංචාරයට එක්නොවීමට තීරණය කළ බවයි ඔහු මාධ්‍යයට පවසා ඇත්තේ.
පැට් කමින්ස්ගේ බිරිඳ වන බෙකී සිය දෙවැනි දරුවා වන දියණියගේ උපත පිළිබඳ සටහනක් ඉන්ස්ටග්රෑම් ඔස්සේ ඊයේ නිවේදනය කරනු ලැබුවා.
ඇයට නම් තබා ඇත්තේ “එඩී” ලෙසයි.
පැට් කමින්ස් ගේ නායකත්වය යටතේ ඔස්ට්‍රේලියා කණ්ඩායම ජයග්‍රහණ රැසක් ලබා තිබෙනවා.
වළලුකර ප්‍රදේශයේ පවතින ආබාධ තත්වය හේතුවෙන් නුදුරේදී ආරම්භ වීමට නියමිත ශූරයන්ගේ කුසලාන තරගාවලියෙන් ඉවත් වීමට ඔස්ට්‍රේලියානු නායකයා විසින් තීරණය කර ඇත්තේ.
