කුරුළු උණ වෛරසය තහවුරු වීමෙන් පසු වික්ටෝරියා ගොවිපළක් නිරෝධායනයට ලක්කර තිබෙනවා.
පරීක්ෂණ වලින් තහවුරු වී ඇත්තේ H7N8 නම් කුරුළු උණ වෛරසයක් උතුරු වික්ටෝරියාවේ ගොවිපළකින් සොයාගත් බවයි.
එය පසුගිය වසරේ කුකුළු ගොවිපලවල් වලට බලපෑ ප්‍රෙභ්දයන්ට වඩා වෙනස් වන අතර එම වසරේ ඒ සඳහා වූ පිරිවැය ඩොලර් මිලියන ගණනක් බවයි බලධාරීන් කියාසිටියේ.
වික්ටෝරියා හි වැඩබලන ප්‍රධාන පශු වෛද්‍යවරයා සඳහන් කළේ ගොවිපළේ සිට කිලෝමීටර් 5 ක පාලන ප්‍රදේශයක නිරෝධායනය ක්‍රියාත්මක බවයි.
එමෙන්ම වෛරසය ආසාදනය වූ කුකුළු මස් වෙළඳපොළෙන් ඉවත් කිරීමටත් වසංගතය පාලනයට සියලුම ක්‍රියාමාර්ග ගැනීමටත් බලධාරීන් වහා කටයුතු කර ඇතැයි ඔහු පැවසුවා.
පසුගිය සතියේ, ෆෙඩරල් රජය ගෝලීය වශයෙන් වේගයෙන් ව්‍යාප්ත වෙමින් පවතින H5 කුරුළු උණ රෝගය වෙනුවෙන් ඩොලර් මිලියන 100 ක ආයෝජනයක් සිදුකර තිබෙනවා.
මේ අතර අද වනවිට මෑත කාලීනව ව්‍යාප්ත වන H5N1 හඳුනා නොගත් එකම මහාද්වීපය ඕස්ට්‍රේලියාවයි.
