මෙල්බන් හි ආයුධ සන්නද්ධව මංකොල්ලකෑම්වල නිරත වූ තවත් පුද්ගලයෙකු අත්අඩංගුවට ගැනීමට ෆෙඩරල් අපරාධ විමර්ශන අංශයට හැකිවී තිබෙනවා.
වෙළඳසැලකට පැමිණි පුද්ගලයින් දෙදෙනෙකු පසුගිය අඟහරුවාදා උල් ආයුධයක් පෙන්වා දුම්වැටි ඉල්ලා ඇති බවයි පොලීසිය කියාසිටියේ.
එහිදී ඔවුන් සිදුකර පහරදීමකින් වෙළඳසැලේ සේවකයෙකු තුවාල ලබා රෝහල් ගත කර තිබෙනවා.
අපරාධකරුවන් මෝටර් රථයකින් පළාගොස් ඇති අතර ඔවුන් හඹාගිය පොලිස් නිලධාරීන්ටද උල් ආයුධයෙන් පහර දීමෙන් නිලධාරීන් දෙදෙනෙකු මේ වනවිට රෝහල්ගතව සිටින බවයි මාධ්‍ය වාර්තා සඳහන් කළේ.
18 සහ 20 හැවිරිදි තරුණයන් දෙදෙනෙකු මෙහිදී අත්අඩංගුවට ගැණුනු අතර මෙල්බන් මහේස්ත්‍රාත් අධිකරණය නියෝග කළේ අප්‍රේල් මස 30 වනදා තෙක් ඔවුන් රක්ෂිත බන්ධනාගාර ගත කරන ලෙසයි.
ආයුධ සන්නද්ධව මංකොල්ලකෑම්වලට තැත් කිරීම, ආයුධවලින් පහරදීම, අනතුරු දායක ලෙස රිය පැදවීම ඇතුළු තවත් කරුණු රැසක් ඔවුන්ට එරෙහි චෝදනා වනවා.
