වික්ටෝරියාව තවදුරටත් ගෑස් අර්බුදයකට ලක්වනු ඇතැයි මත පළවනවා.
ඒ හේතුවෙන් විදුලිබල පද්ධතියේ හිඟයක් මෙන්ම විදුලි බිල උග්‍ර ලෙස ඉහළ යාමේ අවදානමක් වික්ටෝරියාට බලපානු ඇති බවයි බීච් එනර්ජි ගෑස් සමාගම කියාසිටියේ.
රටේ විශාලතම ගෑස් පරිභෝජකයන් සිටින වික්ටෝරියාවේ මිලියන 2 කට අධික පවුල් සහ ව්‍යාපාරවලට මෙම බලපෑම් දැඩිව දැනෙනු ඇති බවයි සමාගම පෙන්වාදෙන්නේ.
නවසීලන්තයේ ද ප්‍රමාණවත් ගෑස් සංචිත සහ අඩු ජල උත්පාදනය හේතුවෙන් පසුගිය වසරේ විදුලි මිල ඉහළ ගිය අතර එහි ප්‍රතිඵලයක් ලෙස නිෂ්පාදන කර්මාන්ත වසා දැමුණු බව ඔහු අවධාරණය කළා.
නව ගෑස් ව්‍යාපෘති ආරම්භ නොවීම, දැනට පවතින ගෑස් ක්ෂේත්‍රවල නිෂ්පාදන ගැටළු, පරිභෝජනයේ වැඩිවීම සහ සැපයුමේ අඩුවීම හේතුවෙන් වික්ටෝරියාව කලක පටන් ගෑස් අර්බුදයකට ලක්ව සිටිනවා.
ඒ හේතුවෙන් පුනර්ජනනීය බලශක්තියට මාරුවීමට පසුගියදා රජය තීරණය කළද ඊටද වැඩි ගෑස් සැපයුමක් අවශ්‍ය බව කම්කරු ප්‍රාන්ත රජය මේ වනවිට තේරුම් ගෙන ඇති බවයි බීච් එනර්ජි ගෑස් සමාගම පෙන්වාදෙන්නේ.
පසුගිය වසරේ ඔස්ට්‍රේලියා රජය නව නිවාසවලට ගෑස් තහනම් කර විදුලි උපකරණ වෙත මාරු වීමට බලකළ අතර දැනට ගෑස් භාවිත කරන නිවාස සහ ව්‍යාපාරවලට ඉන් ඉවත්වන්නැයි ඉල්ලීම් කළා.
