ඝාතනයට ලක් වූ සන්ඩේ ලීඩර් කර්තෘ ලසන්ත වික්‍රමතුංගගේ බිරිය සොනාලි සමරසිංහ නිව්යෝක්හි එක්සත් ජාතීන්ගේ නිත්‍ය නියෝජිත කාර්යාලයේ අමාත්‍ය උපදේශක ලෙස පත්කිරීමට රජය තීරණය කර තිබෙනවා.
විදේශ කටයුතු ඇමැති විජිත හේරත් විසින් මෙම තීරණය ගනු ලැබ ඇති අතර පත්වීමට අදාළ කටයුතු මේ වන විට සිදුවෙමින් ඇතැයි රජයේ අභ්‍යන්තර ආරංචි මාර්ග සඳහන් කරනවා.
තම සැමියාගේ ඝාතනයෙන් පසුව ජීවිත තර්ජන මත ලංකාව හැර ගිය සොනාලි සමරසිංහ එක්සත් ජාතීන්ගේ ශ්‍රී ලංකා තානාපති කාර්යාලයේ නිලධාරිනියක ලෙසින්ද සේවය කළා.
ස්වයං පිටුවහලේ සිටිමින්ද ලසන්ත වික්‍රමතුංගගේ ඝාතනයට ජාත්‍යන්තර පරීක්ෂණයක් ඉල්ලා සිටි ඇය දිගින් දිගටම යුක්තිය වෙනුවෙන් සටන් කළ අයෙක්.
ඇය විමර්ශනාත්මක ජනමාධ්‍යවේදිනියක මෙන්ම නීතිඥවරියක් ලෙස සේවට කරනවා.
