එළඹෙන ශූරයන්ගේ කුසලානය සදහා සහභාගී වන ඔස්ට්‍රේලියා සංචිතය තුළ මේ වනවිට අර්බුද රැසක් නිර්මාණය වී තිබෙනවා.
ඔස්ට්‍රේලියා සංචිතය සදහා නම් කළ ක්‍රීඩකයින් කිහිප දෙනෙකුටම තරගාවලියෙන් ඉවත් වීමට සිදුවී ඇති බවටයි තොරතුරු වාර්තා වන්නේ.
ඒ අනුව ආබාධ තත්වයන් හේතුවෙන් නායක පැට් කමින්ස් සහ ජෝෂ් හේසල්වුඩ් ඔස්ට්‍රේලියා සංචිතයෙන් ඉවත් වී තිබෙනවා.
ඉකුත් දා මිචෙල් මාෂ් ද කොන්දේ ඇතිවූ ආබාධ තත්වයක් හේතුවෙන් ඔස්ට්‍රේලියා සංචිතයෙන් ඉවත් වීමට තීරණය කළා.
මේ අතර ශූරයන්ගේ කුසලානය සදහා සහභාගී වන ඔස්ට්‍රේලියා සංචිතය නියෝජනය කළ තුන් ඉරියව් ක්‍රීඩක මාකස් ස්ටොයිනිස් එක්දින ජාත්‍යන්තර ක්‍රිකට් දිවියට සමු දීමට තීරණය කර තිබෙන බව මාධ්‍ය විසින් වාර්තා කර තිබෙනවා.
ඒ හේතුවෙන් ඔහු ද ශූරයන්ගේ කුසලානය සදහා සහභාගී නොවන බවටයි තොරතුරු සදහන් වන්නේ.
මෙම තත්වය තරගාවලියේ දී ඔස්ට්‍රේලියානු කණ්ඩායමට අවාසි සහගත වනු ඇති බව ද එහි වැඩිදුරටත් සදහන්.
