ඔස්ට්‍රේලියානු ජනතාව සංක්‍රමණිකයන්ගේ ප්‍රමාණය පිළිබඳ වැරදි අවබෝධයක පසුවන බව අධ්‍යයනයකින් හෙළිව තිබෙනවා.
රට තුළ සංක්‍රමණික ප්‍රමාණය ඉතා ඉහළ මට්ටමක පවතින බව ඔස්ට්‍රේලියානුවන් පන් දහසකගෙන් සියයට 50 ක් ම සිතා සිටින බවයි අධ්‍යයනයෙන් හෙළිව ඇත්තේ.
ඉදිරියේදී පැවැත්වීමට නියමිත මැතිරණයේ සියලු පක්ෂවල ප්‍රධාන සටන් පාඨය වී ඇත්තේ ද සංක්‍රමණියන් පිළිබඳවයි.
විපක්ෂ නායක පීටර් ඩර්ටන් මීට පෙර ද නිවාස අර්බුදය විසඳීමට සංක්‍රමණික මට්ටම කපාහැරිය යුතු බවට පොරොන්දු වුණා. එමෙන්ම කම්කරු රජයද පවසා ඇත්තේ මෙම වසර තුළ ශුද්ධ සංක්‍රමණය කපා හැරීමට සැලසුම් කරන බවයි.
නමුත් සංක්‍රමණිකයන්ගේ ප්‍රමාණය, කොවිඩ් ලොක්ඩවුන් හමුවේ දේශ සීමා වසා දැමීම නිසා අඩු වී ඇති බවයි අධ්‍යයනයෙන් හෙළිව ඇත්තේ.
මේ අතර ඔස්ට්‍රේලියානුවන්ගෙන් බහුතරයක් පවසා ඇත්තේ සංක්‍රමණිකයන් අඩු කළද විදේශීය ශිෂ්‍යයන් සංඛ්‍යාව වැඩිකළ යුතු බවයි.
