ගංජා පැළ දහස් ගණනක් වගා කළ පුද්ගලයන් තිදෙනෙකු සිඩ්නි හි නිරත දිග ප්‍රදේශයේදී අද අත්අඩංගුවට ගෙන තිබෙනවා.
ලෙප්ටන් හි ඉන්ගල්බර්න් පාරේ පිහිටි දේපලක සිදුකළ සෝදිසියකදී ගංජා පැළ 5000 කට අධික ප්‍රමාණයක් සොයාගත් බවයි පොලීසිය සඳහන් කළේ.
පොලීසි විසින් ප්‍රදේශය වැටලීමේදී ඔවුන් පළාගොස් ඇති නමුත් පසුව ඔවුන් අත්අඩංගුවට ගෙන තිබෙනවා.
පළායාමේදී පොලිස් සුනඛ සපාකෑමට ලක්වූ එක් පුද්ගලයෙකු මේ වනවිට ප්‍රතිකාර සඳහා යොමුකර ඇති බවයි පොලීසිය කියාසිටියේ.
අත්අඩංගුවට පත්වූවන් අවුරුදු 23, 43, සහ 39 වයස්වල පසුවන්නන් බව පොලීසිය සඳහන් කළා.
ඕස්ට්රේලියාවේ ගංජා භාවිතය නීති විරෝධී වන නමුත් ඒ සම්බන්ධ නීති ප්‍රාන්තයෙන් ප්‍රාන්තයට වෙනස් වනවා.
