වික්ටෝරියා ප්‍රාන්තය තුළ “Q Fever” රෝගී තත්වය පැතිරී යෑම වර්ධනයක් පෙන්නුම් කරන බවට ප්‍රාන්ත සෞඛ්‍ය අංශ විසින් හදුනා ගෙන තිබෙනවා.
මෙම රෝගය සතුන් හරහා මිනිසුන්ට බෝවන මෙම රෝගයේ සැලකිය යුතු වර්ධනයක් මේ වනවිට පෙන්නුම් කරන බවයි වික්ටෝරියා ප්‍රාන්ත ප්‍රධාන සෞඛ්‍ය නිලධාරී වෛද්‍ය තරුන් වීරමන්ත්‍රී විසින් අවධාරණය කර ඇත්තේ.
Q Fever රෝගී තත්වය ඔස්සේ දිගු කාලීන නිදගන්ගත රෝගී තත්වයන් ඇති කළ හැකියි.
සත්ත්ව නිෂ්පාදනයන් (ගොවිපළවල්) සමඟ නිරතුරුව කටයුතු කරන පුද්ගලන්ට මෙම රෝගය වැළදීමේ වැඩි අවදානමක් පවතිනවා.
ප්‍රධාන වශයෙන් මෙම රෝගය බෝ වන්නේ ගවයන්, බැටළුවන් සහ එළුවන් වැනි සත්ත්වයන්ගෙන් බවයි හදුනාගෙන ඇත්තේ.
කෙසේ වෙතත් සෞඛ්‍ය අංශ විසින් පෙන්වා දී ඇත්තේ Q Fever නිවසේ ඇති කරන සුනඛයින් සහ පූසන්ගෙන් පවා බෝ විය හැකි බවයි.
පසුගිය වසරේ දී ප්‍රාන්තය පුරා Q Fever රෝගීන් 77 ක් ද 2023 වර්ෂයේ දී රෝගීන් 35 දෙනෙකු ද වාර්තා වී තිබෙනවා.
ඔස්ට්‍රේලියාව තුළ 2024 වර්ෂයේ දී පමණක් Q Fever රෝගීන් 848 දෙනෙකු වාර්තා වී තිබෙන බවයි සෞඛ්‍ය වාර්තා ඔස්සේ වැඩිදුරටත් පෙන්වා දී ඇත්තේ.
