
ශ්රී ලංකාවේ දෛනිකව නිකුත් කරන විදෙස් ගමන් බලපත්ර සංඛ්යාව 4000 ක් දක්වා ඉහළ නැංවීමට කැබිනට් අනුමැතිය හිමිව තිබෙනවා.
ඊට අමතරව ආගමන විගමන දෙපාර්තමේන්තුවේ විශ්රාමික නිලධාරීන් කොන්ත්රාත් පදනමින් බඳවාගැනීමටත්, රාජ්ය නිලධාරීන් පරිපාලන අඅමාත්යංශය අනුමැතියෙන් අනුයුක්ත කරගැනීමටත් කැබිනට් අනුමැතිය හිමිව ඇති බවයි වාර්තා වන්නේ.
විදේශ ගමන් බලපත්ර හිඟය මගහරවා ගැනීම සඳහා ගත යුතු ක්රියාමාර්ග සම්බන්ධයෙන් නිර්දේශ ඉදිරිපත් කිරීම පිණිස අමාත්ය මණ්ඩලය විසින් පත් කරන ලද විද්වත් කමිටුවේ නිර්දේශය අනුව “පී” කාණ්ඩයේ චිපය රහිත හිස් විදේශ ගමන් බලපත්ර 1,100,000ක් වත්මන් සැපයුම්කරු වෙතින් සපයා ගැනීමේ ප්රසම්පාදන ක්රියාවලිය මේ වන විට ආරම්භ කර ඇති බව සදහන්.

ඒ අනුව, මේ වන විට පවත්නා විදේශ ගමන් බලපත්ර නිකුත් කිරීමේ ප්රමාදය ඉවත් කිරීම සඳහා ආගමන හා විගමන දෙපාර්තමේන්තුවේ මෙහෙයුම් කටයුතු පැය 24 පුරාම ක්රියාත්මක කිරීම මඟින් දිනකට ගමන් බලපත්ර 4,000ක් බැගින් නිකුත් කිරීමේ වැඩපිළිවෙලක් සැලසුම් කර ඇති බවයි වාර්තා වන්නේ.
ඒ සඳහා අවශ්ය අතිරේක කාර්යමණ්ඩලය, එම දෙපාර්තමේන්තුවේ සේවය කර විශ්රාම ලබා ඇති නිලධාරින්, රාජ්ය සේවා කොමිෂන් සභාවේ එකඟතාව මත කොන්ත්රාත් පදනම මත සේවයේ යෙදවීම මඟින් සහ දැනට රජයේ සේවයේ නිරත නිලධාරින්, රාජ්ය පරිපාලන, පළාත් සභා සහ පළාත් පාලන අමාත්යාංශය විමසමින් අනුයුක්ත කර ගැනීමට නියමිතයි.

මහජන ආරක්ෂක සහ පාර්ලිමේන්තු කටයුතු අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙනවා.