
ප්රතිකාර සඳහා රැගෙන යමින් සිටි රෝගී දරුවෙකු ඇතුළු තවත් 5 දෙනෙකු අමරිකා ගුවන් අනතුරෙන් මියගියා.
එම වෛද්ය ප්රවාහන ජෙට් යානය ගුවන් ගතවී තත්පර 30 ක් ගතවීමට මත්තෙන් ඊයේ ෆිලඩෙල්ෆියා ප්රදේශයේ නිවෙස් සහ වාහන කිහිපයකට හානි කරමින් පොළවට පතිත වුණා.
එහිදී රෝගියා සහ තවත් මගියෙකු ඇතුළු කාර්ය මණ්ඩල සාමාජිකයින් සිව් දෙනෙකු මියගොස් ඇති අතර දිවි ගලවා ගත් කිසිවෙකුත් තවමත් සොයාගෙන නොමැති බවයි එරට පොලීසිය සඳහන් කළේ.

මගීන් 60 දෙනෙකු සහ කාර්ය මණ්ඩල සාමාජිකයින් සිව් දෙනෙකු රැගත් ඇමරිකානු ගුවන් යානයේ බිහිසුණු අනතුර සිදුව දින දෙකක් යන්නටත් මත්තෙන් තවත් එවැනි අනතුරක් සිදුවීමෙන් බොහෝ දෙනෙක් කම්පාවට පත්ව තිබෙනවා.
ජනාධිපති ඩොනල්ඩ් ට්රම්ප් අනතුර සම්බන්ධයෙන් සමාජ මාධ්ය ඔස්සේ සිය කනගාටුව පළකර ඇති බවයි වාර්තා වන්නේ.

අනතුරට හේතුව මෙතෙක් අනාවරණය වී නොමැති අතර සිද්ධිය සම්බන්ධයෙන් පොලීසිය වැඩිදුර විමර්ෂණ සිදුකරනවා.