
වික්ටෝරියා ප්රාන්තයේ තක්කාලි වගාවන් හි සේවයේ නියුතු කම්කරුවන්ගේ රැකියා අහිමි වීමේ අවදානමක් උද්ගත ව පවතිනවා.
ඒ ඉකුත් දා Tomato Brown Rugose වෛරසය ප්රාන්තය තුළින් හදුනා ගැනීම හේතුවෙන් බවයි සැලකෙන්නේ.
එහි ප්රතිඵලයක් ලෙස Katunga Fresh තක්කාලි ගොවිපළ තුළ නිරෝධාන වැඩපිළිවෙලක් ක්රියාත්මක කිරීමට බලධාරීන් විසින් පියවර ගෙන තිබෙනවා.

මෙම ගොවිපළ තුළ ප්රදේශවාසීන් 40% ක් පමණ සේවය කරන අතර ඉතිරි කාර්ය මණ්ඩලය සංක්රමණික ප්රජාව බවයි පැවසෙන්නේ.
අදාළ නිරෝධායන ක්රියාවලිය හේතුවෙන් ගොවිපළේ සේවයේ නියුතු කම්කරුවන් 100 කට පමණ තම රැකියා අහිමි වී යෑමේ අවදානමක් පවතින බවයි මොයිරා ෂයර් කවුන්සිලයේ පරිපාලක ග්රේම් එඩ්මන්සන් විසින් පෙන්වා දී ඇත්තේ.

මේ අතර පසුගිය සතිය තුළදී ද කාර්ය මණ්ඩලයේ සේවකයන් 20 දෙනෙකු සේවයෙන් ඉවත් කර තිබෙන බව ද එහි වැඩිදුරටත් සදහන්.