මුරලි යළි විශිෂ්ටයින් අතරට

ජාත්‍යන්තර එක්දින ක්‍රිකට් පිටියට වසර 50ක් සපිරීම නිමිත්තෙන් ලෝ ප්‍රකට එංගන්තයේ විස්ඩන් ක්‍රිකට් සඟරාව විසින් එක් එක් දශකයේ විශිෂ්ටතම එක්දින ක්‍රීඩකයින් නම්කර තිබේ.

එහිදී 2000 වසරින් පසු ඇරඹී දශකයේ විශිෂ්ටතම එක්දින ක්‍රීඩකයා ලෙස ශ්‍රී ලංකාවේ හිටපු සුපිරි දඟපන්දු යවන ක්‍රීඩක මුත්තයියා මුරලිදරන් නම්කර තිබීම විශේෂත්වයකි.

ලෝක එක්දින ක්‍රිකට් පිටියට වසර 50ක් සපිරීම නිමිත්තෙන් එංගන්තයේ විස්ඩන් ක්‍රිකට් සගරාව විසින් 1971 වසරේ සිට 2021 වසර දක්වා වු එක් එක් දශකයේ විශිෂ්ඨතම එක්දින ක්‍රීඩකයින් නම්කර තිබේ.

එහිදී 70 දශකයේ එක්දින ක්‍රිකට් ක්‍රීඩකයා ලෙස බටහිර ඉන්දීය කොදෙව් දේශයේ ශ්‍රීමත් විවියන් රිචර්ඩ්ස් නම්කර ඇති අතර 80 දශකයේ එක්දින ක්‍රීඩකයා ලෙස නම් කර ඇත්තේ හිටපු ඉන්දීය නායකයෙකු සහ ඉන්දියාවට පළමු එක්දින ලෝක කුසලානය දිනා දුන් කපිල් දේව්.

ඉන්දීය හිටපු නායක සචින් ටෙන්ඩුල්කාර් 90 දශකයේ විශිෂ්ටතම එක්දින ක්‍රිකට් ක්‍රීඩකයා ලෙස නම්කර තිබේ.

ඉන්දීය නායක විරාට් කෝලි 2010 වසරින් ආරම්භ කළ දශකයේ එක්දින ක්‍රීඩකයා ලෙස නම්කර තිබේ.

මේ අතර විස්ඩන් සඟරාව විසින් ලොව ප්‍රමුඛ පෙලේ ක්‍රිකට් ක්‍රීඩකයා ලෙස දෙවන වරටත් එංගලන්ත තුන්ඉරියව් ක්‍රීඩක බෙන් ස්ටෝක්ස් නම්කර ඇති අතර වසරේ ක්‍රිකට් ක්‍රීඩිකාව ලෙස නම් කර ඇත්තේ ඔස්ට්‍රේලියානු ක්‍රීඩිකා බෙත් මුනී.

ශ්‍රී ලංකාවේ ඔෂිනිට Woman Fide Master ගෞරව නාමය

ලෝක චෙස් සම්මේලනය විසින් ශ්‍රී ලංකාවේ නැගී එන ක්‍රීඩිකාවක වන ඔෂිනී දේවින්ද්‍යා ගුණවර්ධනට වුමන් ෆිඩේ මාස්ටර් (Woman Fide Master (WFM) ගෞරවය පිරිනමා තිබෙනවා.

Read More »

ඔස්ට්‍රේලියාවේ ස්ට්‍රෝබෙරි ගම්මානයක් ශ්‍රී ලංකාවේ

නුවරඑළිය ප්‍රදේශයේ ස්ථාපිත කරනු ලැබූ ශ්‍රී ලංකාවේ ප්‍රථම ස්ට්‍රෝබෙරි ආදර්ශ ගම්මානය තුළ සිදු කෙරෙන ස්ට්‍රෝබෙරි වගාවේ පැළ රෝපණ කටයුතු මේ වන විට අවසන් කර ඇතැයි කෘෂිකර්ම අමාත්‍යංශය පවසනවා.

Read More »

කොවිඩි නීති උල්ලංඝණයට පැනවූ දඩ අය කර ගන්න නව වැඩසටහනක්

කොවිඩ් වසංගත සමයේ නිකුත් කර තිබූ මහජන සෞඛ්‍ය උපදෙස් සහ දේශසීමා නීති උල්ලංඝනය කිරීම්වලට සම්බන්ධ දඩ මුදල් අය කර ගැනීමට ක්වීන්ස්ලන්ඩ් ප්‍රාන්ත රජය විශේෂ වැඩසටහනක් ආරම්භ කර තිබෙනවා.

Read More »