
DeepSeek විසින් නිර්මාණය කරන ලද AI තාක්ෂණයෙන් ක්රියාත්මක වන Chatbot වේදිකාව පිළිබඳව මේ වනවිට බොහෝ දෙනාගේ අවධානය යොමු වී තිබෙනවා.
මෙය 2023 වසරේදී ආරම්භ කළ චීන සමාගමක් විසින් නිර්මාණය කර තිබෙන බවයි දැක්වෙන්නේ.
DeepSeek AI යෙදුම ඉකුත් 10 වනදා ඇමෙරිකා එක්සත් ජනපදය වෙත ද නිකුත් කර තිබෙන අතර එය මේ වනවිට ඇපල් උපාංගවල වැඩි පිරිසක් Download කර තිබෙන බවට වාර්තා වනවා.

Chatgpt වැනි AI මාදිලි නිපදවීමට වැය වූ මුදල්වලට සාපේක්ෂව අඩු මුදලක් මෙම ව්යාපෘතිය සදහා වැය වී තිබෙන බවයි සැලකෙන්නේ.
අදාළ ව්යාපෘතිය සිදු කළ පර්යේෂකයින් විසින් පෙන්වා දී ඇත්තේ ඒ සදහා ඇමෙරිකානු ඩොලර් මිලියන 06 ක් පමණ වැය වී තිබෙන බවයි.

කෙසේ වෙතත් DeepSeek AI හේතුවෙන් ඇමෙරිකානු මෘදුකාංග ව්යාපාර ක්ෂේත්රය තුළ විශාල කඩා වැටීමක් පෙන්නුම් කෙරෙන බවද වැඩිදුරටත් සදහන්.