කොවිඩ් මර්දන එන්නත් මාත්‍රා 02 ම ගත් පුද්ගලයන්ට කිසිදු අවහිරතාවයකින් තොරව විදෙස් සංචාරවල නිරතවීමටත් නැවත ආපසු පැමිණීමටත් අවසර දීමට ඇති හැකියාව සොයා බලන්නැයි අගමැති ස්කොට් මොරිසන් සෞඛ්‍ය අංශ වෙත උපදෙස් දී තිබේ.
සියලුම රටවල් සඳහා දේශ සීමා විවෘත කලහොත් දිනකට කොවිඩ් ආසාධිතයන් 1000 කට ආසන්න පිරිසක් වාර්තා විය හැකි බවයි ඔහු පෙන්වා දෙන්නේ.
එබැවින් දැනට හෝටල් නිරෝධායනය ඉවත් කිරීමට කිසිදු සූදානමක් නැතැයි අගමැති මොරිසන් සඳහන් කලා.
අද පෙරවරුවේ මාධ්‍ය හමුවකදී ඔහු මේ බව ප්‍රකාශ කලා.
සෞඛ්‍ය අමාත්‍ය ග්‍රෙග් හන්ට් මෙහිදී පැවසුවේ එන්නත්කරණ වැඩපිළිවෙල මත පමණක් පදනම්ව දේශ සීමා විවෘත කල නොහැකි බවයි.
