
ශ්රී ලංකා සංගීත ක්ෂේත්රය පෝෂණය කළ ජ්යෙෂ්ඨ ගායන ශිල්පියකු වන අනිල් භාරතී මහතා අභාවප්රාප්ත වී තිබෙනවා.
මිය යන විට ඒ මහතා 75 වන වියේ පසුවුණා.
රෝගී තත්ත්වයක් හේතුවෙන් පානදුර රෝහලේ ප්රතිකාර ලබමින් සිටිය දී ඒ මහතා අද (22) දින අභාවප්රාප්ත වී ඇති බවයි වාර්තා වන්නේ.

අනිල් භාරතී ගායනා කරන ලද ගීත අතරින් බහුතරයක් නත්තල් ගීත වීම විශේෂයක්.
ඒ අතර, බෙත් ලෙහෙම් පුරේ – දිළිඳු ගව ලෙනේ ගීතය රසිකයින් අතර ප්රසිද්ධියට පත්ව තිබුණා.

මොරටුව වේල්ස් කුමර විදුහලෙන් අධ්යාපනය හදාරා ඇති අනිල් භාරතී , වසර 50ක් පුරා ශ්රී ලංකා ගුවන් විදුලියේ සේවය කළ අතර, ප්රවෘත්ති නිවේදකයෙකු, වැඩසටහන් ඉදිරිපත් කරන්නෙකු ලෙස ද කටයුතු කළා.
ඔහු ගුවන් විදුලියේ අධ්යක්ෂ ධුරය ද හොබවනු ලැබුවා.