ඇමරිකා එක්සත් ජනපදයේ 47 වන ජනාධිපතිවරයා ලෙස ඩොනල්ඩ් ට්‍රම්ප් අද (20) දිවුරුම් දෙනවා.
ඇමරිකාවේ නැගෙනහිර සම්මත වේලාවෙන් අද දහවල් 12.00 ට එරට අගනුවර වන වොෂින්ටන් D.C හීදී එය පැවැත්වීමට නියමිතයි.
ඇමරිකා එක්සත් ජනපදයේ අගවිනිසුරුවරයා වන ජෝන් රොබට් ඉදිරියේ මෙම දිවුරුම් දීම සිදුවනු ඇති.
පසුව අභිනව ජනාධිපතිවරයා විසින් ජාතිය ඇමතීම සිදු කර අතර ඉන් පසුව නිල වශයෙන් ලේඛනයකට අත්සන් තැබීම සිදු වනවා.
ඩොනල්ඩ් ට්‍රම්ප් ඇමරිකානු ජනාධිපති ධූරයේ දිවුරුම් දෙනු ලබන්නේ දෙවන වතාවට වීම ද විශේෂත්වයක්.
ජනාධිපතිවරයාගේ දිවුරුම් දීමෙන් පසුව උප ජනාධිපතිරයා ලෙස ජේ.ඩී හාන්ස් දිවුරුම් දීමට නියමිතයි.
ඇමරිකා එක්සත් ජනපදයේ 50 වන උප ජනාධිපතිවරයා ලෙසයි ඔහු සැළකෙන්නේ.
මේ අතර අද දිනයේ දී ඇමරිකා එක්සත් ජනපදයේ 46 වන ජනාධිපති ජෝ බයිඩන් මහතාගේ එම ධූරයෙන් නිල වශයෙන් සමුගැනීම සිදුවන බව ද වැඩිදුරටත් සදහන්.
