පසුගිය දෙසැම්බර් 18වන දා ශ්රී ලංකාවේ සිට මෙල්බන් බලා ආ ජාත්යන්තර ගුවන් යානයකදී කාන්තාවකට ලිංගික අතවර කළ බවට චෝදනා එල්ල වූ ශ්රී ලාංකිකයාට අද මෙල්බන් අධිකරණය විසින් නියෝගයක් නිකුත් කර තිබෙනවා.
ඒ අනුව අදාළ නඩු කටයුත්ත අවසන් වන තුරු රටින් පිටවීම තහනම් කරමින් අදාළ නියෝගය නිකුත් කර තිබුණා.
41 හැවිරිදි ලාංකිකයා අද භාෂණ පරිවර්තකයෙකු සහ ආධාරකරුවන් දෙදෙනෙකු සමඟ මෙල්බර්න් මහේස්ත්රාත් අධිකරණයේ පෙනී සිට තිබෙනවා.
සැකකරු ශ්රී ලංකාවේ සිට ඔස්ට්රේලියාව බලා යන ගුවන් යානයකදී කාන්ත මගියකුට අශෝභන ක්රියාවක් සිදු කළ බවට ලද පැමිණිල්ල අනුව ඔහුට විරුද්ධව නඩු පවරා තිබුණා.
ඒ අනුව දෙසැම්බර් 18 වන දා සැකකාර ශ්රී ලාංකිකයා මෙල්බන් ගුවන් තොටුපළේදී අත්අඩංගුවට ගෙන තිබුණා.
ඒ අනුව අශෝභන ක්රියාවක් සම්බන්ධයෙන් ඔහුට චෝදනා එල්ල වී ඇති අතර එයට වරදකරු වුවහොත් වසර හතක සිරදඬුවමක් දක්වා උපරිම දඬුවමකට යටත්වීමට සිදුවන බවයි දන්වා ඇත්තේ.
සැකකරු දැඩි ඇප කොන්දේසි මත නිදහස් කර ඇති අතර ඔහුගේ විදේශ ගමන් බලපත්රය භාර දීම, ප්රාන්තය හෝ රට හැර නොයෑම, සතියකට තුන් වතාවක් පොලිස් ස්ථානයකට වාර්තා කිරීම සහ නිවෙස් ඇඳිරි නීතිය යටතේ ජීවත් වීම ඇතුලු කොන්දේසි රැසක් පනවා ඇති බවයි වාර්තා වන්නේ.
