රැකියාවක් අපේක්ෂාවෙන් පසුවන වික්ටෝරියානුවන්ට ඒ සදහා අවශ්ය සහාය ලබාදීම සදහා නව සේවාවක් හදුන්වා දී තිබෙනවා.
“Jobs Victoria” නම් මෙම සේවාව හරහා වික්ටෝරියානුවන්ට අවශ්ය සහාය නොමිලයේ ලබා දීම ද විශේෂත්වයක්.
මේ යටතේ ක්රියාත්මක වන Work and Learning Centres ඔස්සේ රැකියා අපේක්ෂකයන් සදහා ඉලක්කගත රැකියාව සදහා අවශ්ය පුහුණුව සහ සේවා පළපුරුද්ද ලබා දීම සිදුවන බවයි දැක්වෙන්නේ.
“Jobs Victoria” සේවාව සතු සබදතා ජාලය මත පදනම්ව රැකියාවක් අපේක්ෂාවෙන් පසුවන වික්ටෝරියානුවන්ට රැකියා සහ පුහුණුව ලබා දීමට අවශ්ය රැකියා ස්ථාන සොයා දීමට ද කටයුතු කරනු ලබනවා.
ඊට අමතරව අදාළ රැකියාවේ නිරත වීම සදහා අවශ්ය මාර්ගෝපදේශ ලබාදීම සදහා උපදේශන සේවාවක් ද මෙහි පවතින බවයි දැක්වෙන්නේ.
මෙම සේවාව සම්බන්ධ වැඩිදුර තොරතුරු වික්ටෝරියා ප්රාන්ත වෙබ් අඩවියට පිවිසීම හරහා ලබා ගත හැකි බව ද වැඩිදුරටත් සදහන්.
