එක්සත් රාජධානිය තුළ සංචාරය කිරීමට අපේක්ෂා කරන ඔස්ට්රේලියානුවන්ට ඉදිරියේ දී වියදම් අධික වනු ඇති බවට පුරෝකතනය කෙරෙනවා.
ඒ ජනවාරි 08 වනදා සිට එක්සත් රාජධානිය තුළ බලාත්මක වීමට නියමිත නව සංචාරක නීති හේතුවෙන් බවයි දැක්වෙන්නේ.
ඒ අනුව මාස හයක කාල සීමාවක් සදහා එක්සත් රාජධානියට පැමිණෙන ඔස්ට්රේලියානුවන්ට Elecronic Travel Authorisation (ETA) ලබාගැනීම සදහා අයදුම් කිරීම අනිවාර්ය වනවා.
මේ සදහා ඔස්ට්රේලියා ඩොලර් 20 ක පමණ මුදලක් වැය වන බවයි පැවසෙන්නේ.
UK ETA App හෝ UK Home Office වෙබ් අඩවිය ඔස්සේ ඒ සදහා අයදුම් කළ හැකියි.
Elecronic Travel Authorisation (ETA) ලබාගැනීම සදහා අයදුම්පත්රයක් ඉදිරිපත් කර ඒ සදහා අවශ්ය ගෙවීම් සිදුකිරීමෙන් පසුව වැඩ කරන දින තුනක් ඇතුළත Email Confirmation එකක් ලැබෙනු ඇති.
මෙම අයදුම් කිරීමේ ක්රියාවලිය සදහා විදේශ ගමන් බලපත්රයේ ඡායාරූපයක් සහ අයදුම්කරුගේ මුහුණ පැහැදිලිව පෙනෙන ඡායාරූපයක් ඇතුලත් කිරීම සිදු කළ යුතුයි.
කෙසේ වෙතත් ඒ සදහා තම සංචාරක ගමනාන්ත සම්බන්ධ තොරතුරු ඇතුළත් කිරීමට අවශ්ය නොවන බව ද වැඩිදුරටත් සදහන්.
