වික්ටෝරියා ප්‍රාන්තය තුළ ඉදිරියේ දී පැවැත්වීමට නියමිත අතුරු මැතිවරණ දෙකක් සදහා දින නියම කර තිබෙනවා.
ඒ අනුව පෙබරවාරි 08 වනදා එම මැතිවරණ පැවැත්වීමට නියමිතයි.
මෙල්බන් හි බටහිර Werribee ආසනය සදහා මෙන්ම මෙල්බන් නාගරික කලාපයේ Prahran සදහායි මෙලෙස අතුරු මැතිවරණ දෙකක් පැවැත්වෙන්නේ.
අදාළ ආසන දෙක නියෝජනය කළ සභිකයන් පුරප්පාඩු වීම හේතුවෙනුයි මෙලෙස අතුරු මැතිවරණ පැවැත්වීමට නියමිතව ඇත්තේ.
වික්ටෝරියා ප්‍රාන්ත ලිබරල් පක්ෂ විපක්ෂ නායක Brad Battin මුහුණ දෙන පළමු තීරණාත්මක මැතිවරණය මෙය වීම ද විශේෂත්වයක්.
පසුගිය වසර අවසානයේ දී නායකත්ව සටනකින් එවක විපක්ෂ නායක John Pesutto පරදා එම ධූරයට තේරී පත් වීමට ඔහුට හැකියාව ලැබුණා.
