වසර 10 කට පසු ඔස්ට්රේලියාවට විශිෂ්ට ජයක් අත් කර දෙමින් අද (05) නිමාවට පත්වූ බෝඩර් – ගවස්කාර් කුසලාන ටෙස්ට් තරගාවලිය නැරඹීමට පැමිණි සමස්ත ප්රේක්ෂකයන් සංඛ්යාව පිළිබදව වාර්තාවක් නිකුත් වී තිබෙනවා.
ඒ අනුව තරග පහකින් සමන්විත වූ තරගාවලිය නැරඹීම සදහා 837,879 ක වාර්තාගත ප්රේක්ෂකයින් සංඛ්යාවක් පැමිණ ඇති බවයි දැක්වෙන්නේ.
මෙය ඉන්දු – ඔස්ට්රේලියා ටෙස්ට් තරගාවලියක ප්රේක්ෂක සහභාගීත්වය සම්බන්ධ නව වාර්තාවක් ලෙසයි ක්රීඩා විශ්ලේෂකයින් විසින් පෙන්වා දී ඇත්තේ.
තරගාවලිය පුරාවට ඇතිවූ ඇතැම් සිදුවීම් හේතුවෙන් දෙස් විදෙස් ක්රීඩා ලෝලීන්ගේ විශේෂ ආකර්ෂණයක් මෙවර තරගාවලිය සදහා ලැබී තිබීම ද විශේෂත්වයක්.
ඒ අනුව ඔස්ට්රේලියාව සහ දකුණු අප්රිකාව අතර පැවැත්වෙන ලෝක ටෙස්ට් ශූරතාවලියේ අවසන් මහා තරගය මෙම වසරේ ජූනි මස 11 වනදා එංගලන්තයේ ලෝඩ්ස් ක්රිකට් ක්රීඩාංගනයේ දී පැවැත්වීමට නියමිතයි.
