පසුගිය මූල්ය වර්ෂයේදී ෆෙඩරල් රජය දැන්වීම් සදහා වියදම් කළ මුදල් ප්රමාණය සම්බන්ධ දත්ත වාර්තාවක් නිකුත් වී තිබෙනවා.
ඒ අනුව පසුගිය මූල්ය වසරේදී ෆෙඩරල් රජය විසින් දැන්වීම් සදහා ඩොලර් මිලියන 251 ක් පමණ වියදම් කර තිබෙන බවයි අනාවරණය වී ඇත්තේ.
මූල්ය දෙපාර්තුමේන්තු සංඛ්යා ලේඛන දත්ත ඔස්සේ පෙන්වා දී ඇත්තේ පසුගිය මූල්ය වර්ෂය තුළ ෆෙඩරල් රජය විසින් දැන්වීම් සදහා වියදම් කළ මුදල් ප්රමාණය 40% කින් පමණ ඉහළ ගොස් ඇති බවයි.
2008 වසරේ සිට මේ දක්වා කාලසීමාව තුළ ඔස්ට්රේලියානු ෆෙඩරල් රජයක් විසින් දැන්වීම් සදහා වියදම් කළ දෙවන විශාලතම මුදල් ප්රමාණය මෙය බවයි සැලකෙන්නේ.
මීට පෙර 2021 – 2022 මූල්ය වර්ෂයේදී ඔස්ට්රේලියා හිටපු අග්රාමාත්ය ස්කොට් මොරිසන් ගේ රජය විසින් දැන්වීම් සදහා ඩොලර් මිලියන 339 ක මුදලක් වියදම් කර තිබීම ද විශේෂත්වයක්.
කෙසේ වෙතත් ෆෙඩරල් රජයේ මෙම ක්රියා පටිපාටිය වෙත පාර්ශව රැසකින් විවේචන එල්ල වී තිබෙන බවයි වැඩිදුරටත් සදහන් වී ඇත්තේ.
