ඉන්දු – ඔස්ට්රේලියා පස් වන සහ අවසන් ටෙස්ට් තරගයේ දෙවන දිනය අද (04) අවසන් වුණා.
ඉන්දීය සුපිරි පිතිකරු විරාට් කෝලි ඔස්ට්රේලියාවේ දී ක්රීඩා කරන අවසන් ටෙස්ට් තරගය මෙය වනු ඇති බවටයි අනුමාන කෙරෙන්නේ.
අද (04) ක්රියාත්මක වූ ඉන්දීය දෙවන ඉනිමේ තුන්වන කඩුල්ල ලෙස ලකුණු 06 ක් ලබා සිටි විරාට් කෝලි ස්කොට් බෝලන්ඩ් ගේ පන්දුවක් හමුවේ දැවී ගියා.
ඔහු ක්රීඩාගාරය වෙත පැමිණෙන විට SCG ප්රේක්ෂකාගාරයේ සිටි සියලු දෙනා නැගී සිටි බවයි වාර්තා වන්නේ.
නැවත වසර 04 ක් පමණ ගතවන තුරු ඉන්දීය කණ්ඩායම ඔස්ට්රේලියාවේ දී ටෙස්ට් තරගාවලියක් ක්රීඩා නොකරනු ඇති බවටයි පැවසෙන්නේ.
නැවත තරග සංචාරයක් සදහා ඉන්දීය කණ්ඩායම ඔස්ට්රේලියාව වෙත පැමිණෙන විට විරාට් කෝලිගේ වයස අවුරුදු 40 ක් පමණ වන බවයි දැක්වෙන්නේ.
ඒ වනවිට ඔහු ජාත්යන්තර ක්රිකට් දිවියට සමුදී තිබෙන බවයි බොහෝ දෙනාගේ අදහස වී ඇත්තේ.
