මෘදුකාංග දෝෂ කිහිපයක් පදනම් කරගෙන KIA වාහන මාදිලි දෙකක් නැවත කැදවීමට පියවර ගෙන තිබෙනවා.
මේ හේතුවෙන් 2021 සිට 2024 දක්වා කාල සීමාව තුළ වෙළදපොලට පැමිණි CV EV6 මෙන්ම 2023 සහ 2024 යන වසරවලදී වෙළදපොල වෙත නිකුත් කරන ලද MQ4 PE Sorento යන වාහන මාදිලිවලට අයත් මෝටර් රථ 10,000 කට වැඩි ප්රමාණයකට බලපෑම් එල්ල විය හැකි බවටයි වාර්තා වන්නේ.
සංයුක්ත ආරෝපන ඒකකයේ (ICCU) ඇතිවිය හැකි අභ්යන්තර දෝෂයක් මත CV EV6 වාහන මාදිලියට අයත් මෝටර් රථ නැවත කැදවීමට පියවර ගෙන තිබෙන බවයි සැලකෙන්නේ.
මෙම දෝෂය පදනම් කරගෙන අනතුරු ඇගවීමේ ආලෝක සංඥා නිකුත් විය හැකි අතර මෝටර් රථයේ 12 Volt බැටරිය ද ආරෝපණය වීම නතර වන බව ද සදහන් වනවා.
මෙලෙස නැවත කැදවීමට තීරණය කර තිබෙන MQ4 PE Sorento මාදිලියට අයත් මෝටර් රථවල Turn Indicator Lights / Daytime Running Lights නිසි පරිදි ක්රියාත්මක නොවිය හැකි බවයි සමාගම විසින් හදුනාගෙන ඇත්තේ.
මෙවැනි පසුබිමක් තුළ මාර්ග අනතුරු සිදුවීමේ අවදානමක් පවතින බව ද සදහන්.
මෙම දෝෂ හේතුවෙන් බලපෑමට ලක්ව තිබෙන වාහන ලැයිස්තුව (VIN) ප්රවාහන දෙපාර්තුමේන්තු වෙබ් අඩවියට දැනටමත් ඇතුලත් කර තිබෙනවා.
