ශ්රී ලංකාවේ සුපිරි මලල ක්රීඩිකාව සහ 2000 සිඩ්නි ඔලිම්පික් ක්රීඩා උළෙලේ රිදී පදක්කම්ලාභී සුසන්තිකා ජයසිංහ සිය දරුවන් දෙදෙනා සමඟ ඔස්ට්රේලියාවේ මෙල්බන් හි පදිංචි වීමට තීරණය කර තිබෙනවා.
මීට මාස දෙකකට පමණ පෙර ශ්රී ලංකාවෙන් පිටව ගිය ඇය යළි ශ්රී ලංකාවට පැමිණීම අවිනිශ්චිත බවයි ඇය සදහන් කර ඇත්තේ.
ඇයගේ දරුවන්ගේ අධ්යාපනයට සහ අනාගතයට මුල්තැන දීම ඔස්ට්රේලියාවට සංක්රමණය වීමේ අරමුණ බව ඇය සදහන් කර තිබෙනවා.
සුසන්තිකාගේ සමකාලීන මලල ක්රීඩිකාවක් වන, ආසියානු පදක්කම්ලාභී සහ ඔලිම්පික් ක්රීඩිකා දමයන්ති දර්ශා ද මීට වසර කිහිපයකට පෙර සිය පවුල සමඟ ඔස්ට්රේලියාවේ පදිංචියට පැමිණියා.
49 හැවිරිදි සුසන්තිකා ජයසිංහ මීටර් 100 සහ 200 ඉසව්වේ විශේෂඥතාවක් ලබා ඇති විශ්රාමික ශ්රී ලංකා කෙටි දුර ධාවන ක්රීඩිකාවක්.
ඇය 2000 සිඩ්නි ඔලිම්පික් උළෙලේ මීටර් 200 ඉසව්වේ රිදී පදක්කම දිනාගත් අතර, ඩන්කන් වයිට්ගෙන් පසු ඔලිම්පික් පදක්කමක් දිනූ දෙවැනි ශ්රී ලාංකිකයා වන්නේ ඇයයි.
තවද ඇය ස්ප්රින්ට් ඉසව්වකින් ඔලිම්පික් හෝ ලෝක ශූරතා පදක්කමක් දිනූ පළමු ආසියානු කාන්තාව බවට පත්වුණා.
