2024 වසරේ ප්රධාන නගරයන් හී කුලී නිවාස මිල පහත වැටුණු ආකාරය සම්බන්ධයෙන් නවතම වාර්තාවක් නිකුත් කර තිබෙනවා.
එම වාර්තා අනුව මෙල්බන් හි කුලී නිවාස අගය සියයට තුන කින් ද, හොබාර්ට් හි සියයට 0.6 සහ කැන්බරා හි සියයට 0.4 කින් වසර පුරා පහත වැටීමක් පෙන්නුම් කර තිබුණා.
ඔස්ට්රේලියාවේ ජාතික වශයෙන් දෙසැම්බර් මස නිවාස අගය සියයට 0.1 කින් පහත වැටී ඇති අතර, කාර්තුමය ප්රතිඵල අනුව ද සියයට 0.1 කින් පහත වැටීමක් පෙන්නුම් කළ බවයි වාර්තා වන්නේ.
CoreLogic සමාගම විසින් මෙම නවතම දත්ත වාර්තාව අද නිකුත් කර ඇති අතර එහි පර්යේෂණ අධ්යක්ෂ Tim Lawless පැවසුවේ නිවාස වටිනාකම් පහත වැටීම පුදුමයට කරුණක් නොවන බවයි.
2024 වසර ආරම්භයේ කුලී නිවාස අගය සමස්තයක් ලෙස සියයට 4.1 කින් වැඩි වුවද වසර අවසානයේ එම අගය පහත වැටීමක් සිදු වූ බව සදහන්.
කෙසේ වුවත් සිඩ්නි හි නිවාස වටිනාකම වසර පුරා සියයට 2.3කින් ඉහළ ගොස් ඇති බවයි අනාවරණය වන්නේ.
