2025 වසර ආරම්භයේ දීම විදෙස් සංචාර සදහා සුදුසුම රටවල් අතර ශ්රී ලංකාව පෙරමුණට පත්ව තිබෙනවා.
CN Traveller විසින් ඉදිරිපත් කර ඇති වාර්තා අනුව 2025 ජනවාරි මස විදෙස් සංචාර සැලසුම් කරන්නන් අතර හොදම රටවල් අතර තුන්වන තැනටයි ශ්රී ලංකාව නම් කර ඇත්තේ.
ඒ අනුව 2025 වසරේ සංචාරය සදහා සුදුසුම රටවල් අතර අංක 1කට නම් කර ඇත්තේ පිලිපීනයයි.
එම ශ්රේණිගත කිරීමට අනුව ඉතාලියේ කදුකර කලාපයක් වන Dolomites දෙවන තැනටයි නම් කර ඇත්තේ.
ශ්රී ලංකාව එම ශ්රේණිගත කිරීමේ තුන්වන තැනට නම් කර ඇති අතර උෂ්ණත්වය ස්වභාව සෞන්දර්ය මෙන්ම මුහුදු තීරය යන සාධක මත සංචාරකයින් ශ්රී ලංකාව කරා වැඩි වශයෙන් ඇදී එනු ඇතැයි සදහන්.
ගාලු කොටුව ශ්රී ලංකාවට පැමිණෙන සංචාරකයින් අතර ආකර්ෂණීය ගමනාන්තයක් වනු ඇති බවයි දන්වා ඇත්තේ.
එම ශ්රේණිගත කිරීමේ 4 සහ 5 යන ස්ථාන බාබඩෝස් සහ තායිලන්තය හිමිකරගෙන තිබෙනවා.
