අද (01) සිට ක්රියාත්මක වන පරිදි වික්ටෝරියා හි පොදු ප්රවාහන ගාස්තු ඉහළ දැමීමට වික්ටෝරියා ප්රාන්ත රජය විසින් පියවර ගෙන තිබෙනවා.
ඒ අනුව වික්ටෝරියානු පොදු ප්රවාහන සේවාවට අදාළ දෛනික ගාස්තු සීමාව අද දින සිට ඩොලර් 11 ක් දක්වා ඉහළ යනු ඇති බවයි දැක්වෙන්නේ.
මීට පෙර පැවති ඩොලර් 10.60 දෛනික ගාස්තු සීමාව ශත 40 කින් පමණ ඉහළ ගොස් තිබීම ද විශේෂත්වයක්.
තවද සති අන්ත සහ රජයේ නිවාඩු දින ගාස්තු සීමාව ද ශත 40 කින් පමණ ඉහළ ගොස් තිබෙන අතර එහි නව අගය ඩොලර් 7.60 ක් ලෙස සටහන් වී තිබෙනවා.
එමෙන්ම දෛනික සහන ගාස්තු සීමාව ද ඩොලර් 5.30 සිට ඩොලර් 5.50 දක්වා ඉහළ දමා ඇති අතර සති අන්ත සහ රජයේ නිවාඩු දින සඳහා වන සහන ගාස්තු සීමාව ද ඩොලර් 3.60 සිට ඩොලර් 3.80 දක්වා ඉහළ ගොස් තිබෙන බවයි පැවසෙන්නේ.
කෙසේ වෙතත් ප්රාදේශීය ගාස්තු සීමාවන් පෙර පැවති මිලටම ඉදිරියටත් පවත්වා ගෙන යන බවයි වැඩිදුරටත් සදහන් කර ඇත්තේ.
