අද (01) සිට ක්රියාත්මක වන පරිදි ඔස්ට්රේලියානු විදේශ ගමන් බලපත්ර ගාස්තු ඉහළ දමා තිබෙනවා.
ඒ අනුව නව විදේශ ගමන් බලපත්රයක් ලබා ගැනීමට උත්සාහ කිරීමේදී ඔස්ට්රේලියානුවන්ට වැඩි මුදලක් ගෙවීමට සිදුවන බවයි වාර්තා වන්නේ.
ලෝව වඩාත්ම මිල අධික විදේශ ගමන් බලපත්රයක් ලෙස සැලකෙන ඔස්ට්රේලියානු විදේශ ගමන් බලපත්රය ඒ අනුව යළිත් එම වාර්තා අලුත් කරනු ඇති බව සදහන්.
විදේශ කටයුතු දෙපාර්තමේන්තුව සදහන් කලේ ඔස්ට්රේලියානු විදේශ ගමන් බලපත්රයේ මිල ඩොලර් 398 සිට ඩොලර් 412 දක්වා අද (01) සිට ඉහළ යන බවයි.
ඒ අනුව මෙම වර්ෂයේ දී විදේශ ගමන් බලපත්රය අලුත් කිරීම සුදානම් ඔස්ට්රේලියානුවන්ට අමතර ඩොලර් 14ක මුදලක් ගෙවීමට සිදු වනවා.
මෙලෙස ඔස්ට්රේලියානු විදේශ ගමන් බලපත්රයේ මිල ඉහළ දැමීමට නීතිමය අවසරයක් පවතින අතර එය පාරිභෝගික මිල දර්ශකයට අනුකූලව සිදු කර තිබෙන බවයි වාර්තා වන්නේ.
ඔස්ට්රේලියානු විදේශ ගමන් බලපත්ර හිමියන්ට රටවල් 180 කට අධික සංඛ්යාවකට වීසා රහිත ප්රවේශ වීම සදහා ද මේ වනවිට අවස්ථාව හිමිව තිබීම ද විශේෂත්වයක්.
