ඔස්ට්රේලියා කණ්ඩායමට විශිෂ්ට ජයක් අත් කර දෙමින් ඊයේ (30) අවසන් වූ Boxing Day Test තරගයේ සමස්ත ප්රේක්ෂක සහභාගීත්වය සම්බන්ධ වාර්තාවක් නිකුත් වී තිබෙනවා.
ඒ අනුව තරගයේ පස් වන සහ අවසන් දිනය ලෙස ක්රියාත්මක වූ ඊයේ (30) දිනයේදී පමණක් MCG වෙත 74,362 ක ප්රේක්ෂකයන් පිරිසක් පැමිණ තිබීම ද විශේෂත්වයක්.
දෙසැම්බර් 26 වනදා ආරම්භ වූ ඉන්දු – ඔස්ට්රේලියා Boxing Day ටෙස්ට් තරගය සජීවීව නැරඹීම සදහා දින පහක කාලසීමාව තුළ පැමිණි සමස්ත ප්රේක්ෂකයින් සංඛ්යාව 373,691 ක් බවයි දැක්වෙන්නේ.
මෙය ඔස්ට්රේලියාව සත්කාරකත්වය දැරූ ටෙස්ට් තරගයක් සජීවීව නැරඹීම සදහා පැමිණි වැඩිම ප්රේක්ෂක සංඛ්යාව ලෙස වාර්තා අතරට එක් වී තිබෙනවා.
එමෙන්ම MCG හී දී පැවති ටෙස්ට් තරගයක් සජීවීව නැරඹීමට පැමිණි වැඩිම ප්රේක්ෂක සහභාගීත්වය ද මෙවර Boxing Day ටෙස්ට් තරගයේ දී වාර්තා වීම ද කාගේත් අවධානයට ලක් ව තිබෙන බවයි සදහන් වන්නේ.
මෙලෙස බිඳ වැටුණේ 1937 වසරේ එංගලන්තය සමග දින 06 ක් පුරාවට පැවති ටෙස්ට් තරගයක ප්රේක්ෂක සහභාගීත්වය සම්බන්ධ වාර්තාවක් වීම ද විශේෂත්වයක්.
එම තරගය සජීවීව නැරඹීම සදහා දින 06 ක් පුරාවට 350,534 ක ප්රේක්ෂකයින් පිරිසක් පැමිණ ඇතැයි වැඩිදුරටත් සදහන්.
