2025 වසර වන විට මෙල්බන් සහ සිඩ්නි නගරවල නිවාස මිල තව දුරටත් පහත වැටීමට නියමිත බව නවතම SQM වාර්තාවට අනුව අනාවරණ වී තිබෙනවා.
කෙසේ වෙතත් ඔස්ට්රේලියාවේ සාමාන්ය මධ්ය නිවාස මිල සියයට 1ත් 4ත් අතර අගයකින් ඉහළ යා හැකි බවයි එම වාර්තාවේ දැක්වෙන්නේ.
2025 වසර වනවිට මෙල්බන් නගර කලාපයේ නිවාස මිල සියයට 5සිට සියයට 1ක් දක්වා පහත වැටෙන බව ද එහි සඳහන්.
2025 වසරේදී වැඩිම නිවාස මිල ඉහළ යාම වාර්තා වන්නේ පර්ත් නගර කලාපයේ වන අතර එම අගය සියයට 14ක සිට සියයට 19ක් දක්වා වර්ධනය විය හැකි බවයි වාර්තා වන්නේ.
බ්රිස්බන් හි නිවාස මිල සියයට 9 සිට සියයට 14ක් දක්වා ඉහළ යන අතර ඇඩිලේඩ් හි නිවාස මිල ද සියයට 8සිට සියයට 13ක් දක්වා ඉහළ යා හැකි බව සඳහන්.
ඩර්වින් නිවාස මිලද 2025 වර්ෂයේදී සියයට 5සිට සියයට 8ක් දක්වා වර්ධනය වන පසුබිමක හෝබාර්ට් හි නිවාස මිල සියයට 3කින් අඩුවී නැවත සියයට 2කින් ඉහළ යනු බවට ද අනාවැකි පලවී තිබෙනවා.
කැන්බරා අග නගර කලාපයේ නිවාස මිල ඉදිරි වසරේදී සියයට 6 සිට සියයට 2ක් දක්වා අඩුවිය හැකි බවයි වැඩිදුරටත් සඳහන් වන්නේ.
