ජීවන වියදම් අර්බුද මධ්යයේ වැඩිම මිලට භාණ්ඩ අළෙවි කරන ඔස්ට්රේලියා සුපිරි වෙළඳසැල් සම්බන්ධයෙන් නවතම අධ්යනයක් සිදු කර තිබෙනවා.
නව දත්ත අනුව Boxing day හි වට්ටම් සහ මිළ ගණන් අඩුවීමක් සිදුකෙරුණ ද පාරිභෝගිකයින් තම එදිනෙදා භාණ්ඩ හා සේවාවල මිල ගණන් ඉහළ යෑම සමඟ පොරබදමින් සිටින බවයි හදුනාගෙන ඇත්තේ.
කැන්බරා පාර්ලිමේන්තු පුස්තකාල පර්යේෂණ කණ්ඩායමක් විසින් මෙම අධ්යනය සිදු කර ඇති අතර ඔවුන් පෙන්වා දෙන්නේ වසර දෙකක කාලය තුළ සුපිරි වෙළදසැල් හි මිල වාර්තාගත ලෙස ඉහළ ගොස් ඇති බවයි.
එළෙස වැඩි මිළට අලෙවි වූ භාණ්ඩ අතර බිත්තර සියයට 28.6 කින් ද පාන් ගෙඩියක් සියයට 22.7 කින් ඉහළ ගොස් තිබෙනවා.
කිරි ආශ්රිත නිශ්පාදන සහ චීස්වල මිල සියයට 20කින් ඉහළ ගොස් ඇති බවයි වාර්තා වන්නේ.
තවද නැවුම් පලතුරු මිල සියයට 20.4 කින් ඉහළ ගොස් ඇති අතර, ධාන්ය වර්ග ද සියයට 20.2 කින් ඉහළ ගොස් ඇති බව එම වාර්තා වැඩිදුරටත් පෙන්වා දෙනවා.
නමුත් බැටළු මස් සහ හරක් මස් යන දෙකම සියයට හයකින් පහත වැටීමද විශේෂත්වයක්.
