ශ්රී ලංකා පොදුජන ගුරු සංගමයේ හිටපු සභාපතිනි වසන්තා හඳපාන්ගොඩ හදිසියේ අභාවප්රාප්ත වී තිබෙනවා.
ඇය අද (25) අලුයම අභාවප්රාප්ත වී ඇත්තේ එංගලන්තයේ ජීවත් වෙමින් සිටියදි බවයි වාර්තා වී ඇත්තේ.
පාසල් තෙවැනි වාර නිවාඩුව ඇරඹීමෙන් පසු ව හඳපාන්ගොඩ ඇයගේ දියණිය ජීවත් වන එංගලන්තයට ගොස් තිබෙනවා.
එහිදී උත්සන්න වූ රෝගී තත්ත්වයක් මතයි හඳපාන්ගොඩ අභාවප්රාප්ත වී ඇත්තේ.
ගාලු මුවදොර ජන අරගල කාලයේ දී වසන්තා හඳපාන්ගොඩ ගැන වැඩි වශයෙන් කතාබහක් මතු වුණා.
ඒ අරගලයට පහරදීමේ සිද්ධිය සම්බන්ධයෙන් සහ අරලියගහ මන්දිරය ඉදිරිපිට 2022 මැයි මස 09 වැනි දින සිදු වූ ප්රචණ්ඩකාරී සිදුවීම්වලට සම්බන්ධවයි.
වසන්තා මහත්මිය එම වසරේ මැයි මස 30 වැනි දින කොළඹ අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන අධිකරණයට ඉදිරිපත් කරනු ලැබුවා.
කෙසේ වෙතත් ඇය 2023 ඔක්තෝබර් මාසයේ දී පොහොට්ටුවේ නව සන්ධානයට එක්ව වූ අයුරු ද දක්නට ලැබුණා.
ඇය වෘත්තීයේ නියැලුණු ආචාර්යවරියක් ද වනවා.
