ඔස්ට්රේලියානු නාවික හමුදාවේ සබ්මැරීන් අංශය වෙත නව නිලධාරීන් බඳවා ගැනීමට සැලසුම් කර තිබෙනවා.
න්යෂ්ඨික සබ්මැරීන් නිලධාරී (Nuclear Submarine Officer) තනතුරු සදහා අයදුම් කිරීමට කිසිදු මූලික රැකියා පළපුරුද්දක් අවශ්ය නොවන බවයි දැක්වෙන්නේ.
Seek වෙබ් අඩවිය ඔස්සේ මේ සදහා අයදුම් කිරීමට හැකියාව පවතිනවා.
අදාළ තනතුර සදහා ඩොලර් 100,000 ත් 120,000 ත් අතර පූර්ණ කාලීන වැටුපක් හිමි වීම ද විශේෂත්වයක්.
ඒ අනුව මෙම තනතුරට අදාළව සේවා කටයුතු සිදුකිරීමට ඇත්තේ මෙල්බන් නගරය පදනම් කරගෙන බව ද සදහන්.
එම තනතුර ට සබ්මැරීන් ධාවනය කිරීම, න්යෂ්ඨික ප්රතික්රියාකාරක ක්රියාත්මක කිරීම , සබ්මැරීන් උපායශීලීව ස්ථානගත කිරීම ඇතුළු පැවරෙන ඕනෑම රාජකාරී කටයුත්තක් සිදු කළ යුතු බවයි දැක්වෙන්නේ.
න්යෂ්ඨික සබ්මැරීන් නිලධාරී තනතුර සදහා මූලික හමුදා පුහුණුව සහ රැකියා පුහුණුව අනිවාර්ය වන අතර සාර්ථකව පුහුණුවීම් අවසන් කරන අයදුම්කරුවන්ට ඩොලර් 113,000 ක ආරම්භක වැටුපක් සහ 16.4% ක Superannuation දීමනාවක් ද හිමිවීම ද කැපී පෙනෙනවා.
සහනාධාර පහසුකම් සහිත නිවාස ද හිමි වන මෙම තනතුර සදහා ශාරීරික යෝග්යතා පරීක්ෂණයෙන් මෙන්ම වෛද්ය පරීක්ෂණයෙන් ද සමත් වීම ද අනිවාර්ය බවයි අවධාරණය කෙරෙන්නේ.
