දකුණු බ්රසීලයේ ග්රැමඩෝ නගරයට ඉහළින් පියාසර කරමින් තිබූ පෞද්ගලික ගුවන් යානයක් කඩා වැටීමෙන් එකම පවුලේ සාමාජිකයින් දස දෙනෙකු මිය ගොස් තිබෙනවා.
අනතුරින් යානයේ නියමුවා ලෙස කටයුතු කළ බ්රසීල ව්යාපාරික ලුයිස් ක්ලෝඩියෝ ගැලියාසි සහ ඔහුගේ බිරිඳ, දියණියන් තිදෙනා සහ අනෙකුත් පවුලේ සාමාජිකයන් මියගොස් ඇති බවයි ඔහුගේ සමාගමේ ප්රකාශයක් පවසා ඇත්තේ.
ඉරිදා උදෑසන ගුවන් ගත වී මිනිත්තු කිහිපයකට පසු ගුවන් යානය ගොඩනැගිල්ලක චිමිනියේ මෙන්ම නිවසක සහ සාප්පුවක ගැටීමෙන් කඩා වැටී තිබෙනවා.
අනතුරින් ග්රැමඩෝ නගරයේ සිටි පුද්ගලයින් 17 දෙනෙකු තුවාල ලබා ඇති අතර, ඉන් දෙදෙනෙකු බරපතල තත්ත්වයේ පසුවන බවයි පළාත් පාලන ආයතන පවසන්නේ.
බ්රසීල මාධ්ය වාර්තාවලට අනුව, 61 හැවිරිදි බ්රසීල ව්යාපාරික ලුයිස් ක්ලෝඩියෝ ගැලියාසි මහතා තම පවුලේ අය සමඟ සාඕ පවුලෝ ප්රාන්තයේ ජුන්ඩියායි වෙත සංචාරයක් සඳහා යමින් සිට තිබෙනවා.
මෙම ගුවන් යානය අහිතකර කාලගුණික තත්ත්වයන් යටතේ ගුවන් ගතව ඇති බවයි ප්රාන්ත ආණ්ඩුකාර එඩ්වාඩෝ ලයිට් පවසා ඇත්තේ.
