ගෘහස්ත හිංසනයන්ට ගොදුරු වූවන් සදහා ලබාදෙන “Safe Phones” සදහා වන ඉල්ලුම ඉහළ ගොස් තිබෙනවා.
2015 වසරේ සිට විශේෂඥ සේවාවන් 300 ක් හරහා ජාතික වශයෙන් Safe Phones 47,000 ක් පමණ වින්දිතයන් වෙනුවෙන් ලබා දී තිබෙන බවයි දැක්වෙන්නේ.
මෙලෙස Safe Phone ලබා දෙන ආයතනයක් වන Wesnet හි ප්රධාන විධායක කැරන් බෙන්ට්ලි විසින් පෙන්වා දී ඇත්තේ නාගරික කලාපවලට සාපේක්ෂව ප්රාදේශීය කලාපවල Safe Phones සදහා වන ඉල්ලුම ඉහළ ගොස් ඇති බවයි.
මේ අතර නවතම අපරාධ සංඛ්යා ලේඛන ඒජන්සි දත්ත වාර්තා හරහා අනාවරණය වී ඇත්තේ වික්ටෝරියා ප්රාන්තය තුළ වාර්තා වී ඇති පවුල් ප්රචණ්ඩත්වය සම්බන්ධ ක්රියාකාරකම් සංඛ්යාව 100,000 ඉක්මවා ගොස් තිබෙන බවයි.
එම අගය ඔස්සේ වික්ටෝරියා ප්රාන්තය තුළ සිදුවන පවුල් ප්රචණ්ඩත්වය සම්බන්ධ ක්රියාකාරකම් සංඛ්යාව වාර්තාගත අන්දමින් ඉහළ ගොස් තිබෙන බවයි මෙම දත්ත වාර්තා හරහා පෙන්නුම් කෙරෙන්නේ.
Central Victoria Family Violence Support Service හි Centre for Non Violence (CNV) වැඩසටහන් කලමනාකරු ලෙස කටයුතු කරන Yvette Jaczina විසින් සදහන් කර ඇත්තේ ඔවුන් විසින් වින්දිතයන් වෙත ලබා දෙන “Safe Phones” සදහා සියලුම ආකාරයේ ස්ථාන හදුනා ගැනීමේ යෙදවුම් (Apps) ඇතුලත් කර තිබෙන බවයි.
