ප්රබල භූකම්පන තත්වයන්ට දෙකකින් පසු Vanuatu හි සිරව සිටි ඔස්ට්රේලියානුවන් මුදවා ගැනීමේ මෙහෙයුම් ආරම්භ කර තිබෙනවා.
ඒ අනුව අතරමංව සිටි ඔට්රේලියානුවන් බේරා ගැනීම සඳහා වාණිජ ගුවන් ගමන් නැවත ආරම්භ කර ඇති බවයි වාර්තා වන්නේ.
Vanuatu හි ප්රභල භූ කම්පන තත්ව හමුවේ අවම වශයෙන් පුද්ගලයින් 14 දෙනෙකු මිය ගොස් ඇති අතර තවත් සිය ගණනක් තුවාල ලබා තිබුණා.
ප්රබල භූකම්පන සිදුවන අවස්ථාවේ දී Vanuatu හි ඔස්ට්රේලියානුවන් 600ක් පමණ සිට ඇති බවට විදේශ කටයුතු දෙපාර්තමේන්තුව වෙත දැනුම් දීමක් සිදුකර ඇති බව සදහන්.
ඒ අනුව රාජකීය ඔස්ට්රේලියානු ගුවන් හමුදාවේ (RAAF) ගුවන් යානා වනුවාටු අගනුවර වන පෝට් විලා හි ක්රියාත්මක වන මානුෂීය මෙහෙයුමේ කොටසක් ලෙස ඔස්ට්රේලියානු පුරවැසියන් මුදවා ගැනීමට සමත්වුණා.
මේ වන විට ගුවන් ගමන් වාර අටකින් ඔස්ට්රේලියානුවන් 588 දෙනෙකු බ්රිස්බන් වෙත රැගෙන ගොස් ඇති අතර අවසන් ගුවන් ගමන් දෙක අද ක්රියාත්මක වනවා.
ආපදා සේවා සදහා පුද්ගලයන් 64 දෙනෙකුගෙන් යුත් ආපදා සහන ප්රතිචාර කණ්ඩායමක්, සුනඛයින් දෙදෙනෙකු, පුද්ගලයන් හය දෙනෙකුගෙන් යුත් වෛද්ය ආධාර කණ්ඩායමක්, ඔස්ට්රේලියානු ෆෙඩරල් පොලිස් සාමාජිකයින් නව දෙනෙකුගෙන් යුත් කණ්ඩායමක්
Vanuatu වෙත ඔස්ට්රේලියාවෙන් යොමුකර තිබුණා.
