වික්ටෝරියා ප්රාන්තයේ ඇතැම් ප්රදේශවල මේ වනවිට පැතිර යන ලැව් ගිනි තත්වය හේතුවෙන් එම ප්රදේශවල හදිසි අනතුරු ඇඟවීම් කිහිපයක් නිකුත් කර තිබෙනවා.
ලැව්ගිනි තත්වය පාලනයකින් තොරව ව්යාප්ත වන අතර මේ වන විට හෙක්ටයාර 34000ක් පමණ විනාශ වී ඇති අතර පැය විසිහතරක් තුළ ලැව්ගිනි තත්වය තුන් ගුණයකින් ඉහළ ගොස් ඇති බවයි වාර්තා වන්නේ.
ගිනි නිවන භටයින් 300 කටඅධික සංඛ්යාවක් ලැව්ගිනි පාලනය සදහා අවදානම් කලාප වෙත යොමුව ඇති බව සදහන්.
ඒ අනුව ලැව් ගිනි තත්වය මේ වනවිට Grampiand ජාතික වනෝද්යාන කලාපයේ සිට උතුරු දිශාවෙන් Halls Gap දෙසට ගමන් කරන බවයි දැක්වෙන්නේ.
ඒ අවට ප්රදේශවල සිටින අයට වහාම පිටව යන ලෙසයි හදිසි අනතුරු ඇඟවීම් නිකුත් කර ඇත්තේ.
මේ හේතුවෙන් Belfield, Belfield Settlement, Flat Rock Crossing, Fyans Creek, Gampians Junction සහ Halls Gap ඇතුලු ප්රදේශ කිහිපයක පදිංචිකරුවන් එම ස්ථානවලින් ඉවත් වන ලෙස බලධාරීන් විසින් දැනුම් දී තිබෙනවා.
එසේම එම ප්රදේශවලින් දැනටමත් පිටව ගොස් සිටින වැසියන් ට එම ප්රදේශ වෙත නැවත නොපැමිණෙන ලෙසයි බලධාරීන් විසින් අනතුරු අඟවා ඇත්තේ.
